What is the forex?

 

Forex waa suuqa maaliyadeed ee aduunka ugu wayn.

"Forex" waa eray kooban oo laga soo gaabiyey "foreign exchange," kaasoo macnihiisu yahay suuqa lagu kala iibsado lacagaha qalaad ee kala duwan. Suuqa forex waa midka ugu weyn aduunka ee ku saabsan ganacsiga lacagaha, waxaana lagu kala iibsadaa lacagaha dalalka kala duwan sida,

1.USD[USA]

2.GBP[ENGLAN]

3.EUR[EUROPIAN]

4.AUD[AUSTRALIA DOLLAR]

5.CAD[CANADIAN DOLLAR]

6.JPY[JAPANESE YEN]

7.NZD[NEW SEALAND DOLLAR]

8.CHF[SWIS FRANCE]

Waana 8da lacagood ee ugu awooda wayn islamarkana isku dhafan oo is raaca.

Islamarkaana waxaa dhexmara maalinkasta suuqan lacag cadadkeedu gaadho ilaa 7.5 trillion

 Ganacsatada forex waxay faa'iido ka helaan marka ay qiimaha lacagaha ay kala baddalanayaan uu kordho ama yaraado, taas oo ku saleysan isbeddelada dhaqaale ee dalalka iyo arrimo kale oo saameeya qiimaha lacagaha.

Forex waxaa laga ganacsan karaa hab online ah, waxaana lagu isticmaalaa qalab kala duwan oo caalami ah. Ganacsatada waxay isticmaalaan istaraatijiyado kala duwan si ay u saadaaliyaan isbeddelka qiimaha lacagaha si ay faa'iido u helaan.

Si aad u bilowdo Forex oo aad uga mid noqoto ganacsatada guulaysta, waxaa muhiim ah inaad yeesho faham aasaasi ah oo ku saabsan suuqa, qorshe cad, iyo inaad qaadato tallaabooyin taxaddar leh. xagan waxaan ku qoray dhowr  tusmo oo muhiim ah:

1.Barashada Aasaaska Forex

2.Ka Fikir Istaraatiijiyadda Ganacsi

3.Adeegsiga Koontada Demo

4.Maamulida Khatarta

5.Doorashada Broker-ka

6.Kobcinta Aqoon iyo Khibrad Joogto ah

Taariikhda Forex

Taariikhda forex ama suuqa sarrifka lacagaha qalaad waa mid soo jireen ah oo asalkeedu yahay wakhtiyadii hore, laakiin waxay qaab rasmi ah u qaadatay qarnigii 20aad, gaar ahaan ka dib dagaalkii labaad ee dunida.

 Qaar ka mid ah taariikhaha muhiimka ah ee forex  waxaa ka mid ah:

Qarnigii 19aad iyo bilowgii 20aad:

Qarnigii 19aad: Sarifka lacagaha qalaad wuxuu si gooni ah uga jiray waddamada qaar, laakiin waxay u badnayd inay ku xirnaato heshiisyo u dhexeeya bangiyada dawliga ah.

1944 - Heshiiskii Bretton Woods: Waxaa la aasaasay nidaamka Bretton Woods, kaasoo adkeeyay sarrifka lacagaha iyadoo doolarka Mareykanku uu noqday lacagta dhexe ee caalamiga ah ee lagu qiimeeyo lacagaha kale.

1971 - Bur-burkii nidaamkii Bretton Woods

Mareykanka wuxuu doortay inuu ka baxo nidaamka Bretton Woods, taas oo meesha ka saartay xariiqihii dahabka ee doolarka Mareykanka ku xirnaa. Taas waxay keentay in lacagaha caalamiga ah ay xor ka noqdaan oo lagu kala iibsado qiimo isu beddelka.

1970-meeyadii ilaa 1990-meeyadii - Koritaanka suuqa Forex:

Suuqa forex wuxuu bilaabay inuu noqdo mid rasmi ah oo nidaamsan, iyadoo qiimaha lacaguhu bilaabeen inay ku kala beddelaan qaab xor ah.

Waxaa la sameeyay aalado cusub iyo nidaamyo casri ah oo suuqa si wayn u fududeeyay.

1990-meeyadii ilaa maanta - Forex-ka casriga ah iyo internetka:

1996: Bixiyeyaasha internet-ka waxay bilaabeen inay suurtageliyaan in dadwaynaha caadiga ahi ay ku ganacsadaan forex, taasoo kor u qaaday suuqa.

Maanta: Suuqa forex wuxuu noqday midka ugu weyn dunida, iyadoo ganacsiyo dhan in ka badan   7.5tiriliyan oo doolar ay maalin walba ka socdaan.

Forex waa suuq furan oo isbedbeddel badan, waxaana lagu yaqaannaa inuu yahay mid ay ganacsatadu si fudud ugu heli karaan, oo isbedbeddelka qiimaha lacaguhuna uu yahay mid joogto ah.